10 jir reerkiisa ka masruufa dhagax jebinta

 

Iyadoo ay wajahayaan duruufo adag oo dhanka nolosha ah qoysas badan oo reer Suuriya ah, haddana Ibraahim Xamaher oo 10 jir ah ayaa subax kasta u ka laha shaqo dhagax jabin ah, si uu ugu maareeyo nolosha qoyskiisa.

Qoyska Xamamer ayaa ka qaxay weerarrada taliska uu ku hayo baadiyaha gobolka Xalab ee waqooyiga Suuriya, waxayna gabaad ka dhigteen teendho ku taal baadiyaha gobolka Idlib.

Hamaher , walaalihiis iyo waalidkii ayuu kula nool yahay xerada "Karim" ee ku taal baadiyaha Idlib, waqooyi galbeed ee Suuriya.

Waxa uu sharraxay in uu walaalkii kala shaqeeyo meel dhagaxa miinada lagu burburiyo; si uu masruufka qoyskiisa uga soo saarto, halkii uu aadi lahaa dugsiga sida carruurta kale.

 “25 dhagax maalintii waxaan ku jabinaa lacag dhan 1.5 dollar, markii aan jabiyana waxaan ku raraa gawaarida”.

Isaga oo hadalkiisa sii watana waxa uu yiri, “Waxaanu la halgamaynaa in aanu ku noolaano duruufo adag, anagoo burburinayna dhagax miisaankiisu yahay 50-60 kiiloogaraam”.

Wuxuu sheegay in aabihiis "uusan awoodin inuu shaqeeyo sababtoo ah waa ruux xanuunsan."

Waxa uu hadalkiisa ku soo gunaanuday: Waxa kaliya ee aan nolosha ka rabo waa in aan nolol maalmeed ka helo, waxa aan rabaa in aan ku noolaado nolol hufan oo aan wax barto. Aabbahay wuu jiran yahay, haddaanan shaqaynna qofna ma shaqayn karo”.

Bishii Maarso ee la soo dhaafay, UNICEF ayaa bayaan ay soo saartay ku shaacisay dilka iyo dhaawaca ku dhawaad ​​12,000 oo carruur ah gudaha Suuriya, tan iyo markii uu dagaalka ka qarxay halkaasi, 10 sanno kahor.