Gabar 20 jir ah oo Jaceyl u qaaday oday 80 jir ah

Marka ay xaaladan oo kale dhacdo, waxa ay lammanaha sidan oo kale u kala da’weyn warkooda kamid ah in da’du tahay uun tiro.

Sheekada jaceylka ee 22 jir la yiraahdo Claudine iyo David oo 76 jir ah waa tusaale nool, waxa uu ka weyn yahay 56 sanno gacalisadiisa dhallinyarada ah.

 Dadka ayaa ku qalda gabar iyo awoowgeed ama Aabbe iyo gabadhiisa, lammaanahan jaceylku isku soo jiiday ayaa is bartay sannado kahor, waxay jaceyl wadaag yihiin muddo afar sanno.

 Qisada jaceylkooda mar ay ka faalooneysay ayaa waxa ay tilmaamtay in marnaba aysan rumeysan karin qof ay waalid ahaan u ixtiraami jirtay, madama uu yahay qof da’ahaan ka weyn, in mar uun ay xiriir jaceyl wada yeelan doonaan ay ku noqotay wax filan waa ah.

 Saaxibbadeed ayaa kula taliya inay iska dhaafto waayeelka ay calmatay, iyaga oo sabab uga dhigaya in waqtigiisu yahay qariib yahay oo uu dhiman rabo, kaligeedna ay ku cidloobeyso murug iyo shaley, balse dhago leyr u duleela ayay warkooda qaadisay.

 ‘‘Wax uu iga dhigay mid faraxsan, had iyo goorna wuu i kaxeeyaa, sidaasi weli ninna iima sameyn’’.

Waxay intaa raacisay gabadhan 22 jirka ah, in waalidkeed aysan marna caqabad ku noqon xiriirkeeda iyo dooqa jaceylkeeda, lammaanahan ayaa dhawaan lagu wadaa inay aqal galaan.