Wasiir diyaarad uu saarnaa ku burburtay badda oo dabaalanaayay 12 saacadood

 

"Dabaasha oo aad barataa waad ku badbaadi kartaa haddii uusan waqtigaaga gelin", waa sheekada wasiir ka tirsan golaha wasiirada Madagascar, kaasi oo muddo 12 saac ah dabaalanayay si uu u gaaro xeebta.

Isniintii ayaa diyuradda kuwa qumaatiga u kaca ah oo uu saarnaa Serge Gelle ku burburtay badda jasiirada ku taala  waqooyi-bari dalkaasi.

Isagga iyo nin boliis ah oo ka badbaaday burburka waxey aroortii talaadada gaareen xeebta magaalada Mahambo, kaddib muddo 12 saac ah oo ay dabbaalaneyn badda.

Gelle, oo 57-jir ah ayaa kasoo muuqday muuqaalkan oo ku baahay baraha bulshada, isaga oo leh waqtigeyga ayaa wax ka ka dhinaayeen, dhaawac ma qabo waxaanse ka cabanayaa qaboob darran.

Laba ruux oo ku wehlinayay socdaalka oo kormeer ahaa ayaa weli la baadi goobayaa, lamana oga waxa sababay burburka diyaaradda helikobtarka ah ee uu saarnaa wasiirka.

Taliyaha booliska Madagascar, Zafisambatra Ravoavy, ayaa la hadlayay wakaaladda wararka ee AFP ayuu u sheegay in qaar ka mid ah waxyaabaha ka caawiyay wasiirka inuu ka badbaado shilkaasi ay tahay inuu yahay nin sport, uuna helay kursiga diyaaradda, kaasi oo uu adeegsaday sida qalabka dabaasha oo kale.

General Gelle, ayaa bishii tagtay ee August loo magacaabay xilka wasiirka boliiska, 

kaddib tubaneeyo sano oo uu hayay shaqada boliiska.